TIRANË, 12 prill/TSH/- Furnizuesi i Shërbimit Universal njoftoi sot se do të zgjasë orarin e shërbimit për klientët, duke bërë të mundur që qytetarët të kenë më tepër kohë për t’ju drejtuar zyrave të tij.
Sipas FSHU, qendrat e kujdesit ndaj klientit dhe arka do të ofrojnë shërbim prej ditës së hënë në orarin 06:00 – 17:30.
Kjo do të ndihmojë qytetarët për të mos krijuar radhë pranë zyrave të kujdesit ndaj klientit, ç’ka do të përbënte rrezik për përhapjen e infeksionit COVID-19.
Më herët gjatë javës, Kryeministri Edi Rama njoftoi se nga e hëna, fasha orare do të zgjatet deri 17:30 dhe autorizimet për lejedalje për pazar do të jenë 90 minuta.
Kryeministri po ashtu paralajmëroi ashpërsim të ndëshkimeve për shkelësit e masave./a.gjonaj/ /a.a/
