TIRANË, 20 mars/ATSH/ Banorët e qytetit të Gjirokastrës kanë respektuar rregullat e vendosura nga autoritetet shtetërore për evitimin në maksimum të lëvizjes.
Qyteti i gurtë i Gjirokastrës i vizituar në të gjitha stinët nga turistët sot ishte i qetë dhe pa lëvizje njerëzish dhe automjetesh dhe gjithashtu bizneset dhe lokalet ishin të mbyllura.
Në kuadër të masave që janë marrë për të parandaluar përhapjen e COVID-19, banorët kanë zgjedhur të qëndrojnë në shtëpi duke respektuar distancimin social./k.s/
