UASHINGTON, 28 shkurt /ATSH-AFP/- Toka ka rreth saj një miniHënë me madhësinë e një makine, sipas astronomëve që shquan objektin qiellor teksa sillej rreth planetit tonë.
Ky satelit, me përmasa 1,90 x 3,50 metra, u pa natën e 15 shkurtit nga studiuesit Kacper Wierzchos dhe Teddy Pruyne, nga projekti “Catalina Sky Survey”, i financuar nga NASA.
MiniHëna e re, e emërtuar 2020 CD3, mund të jetë një asteroid i tipit C (karbon, pra shumë i errët”), njoftoi Wierzchos, në Twitter .
Për astronomin, ky informacion është shumë i rëndësishëm, sepse është i dyti asteroid i njohur, që sillet rreth Tokës, pas 2006 RH120, i cili u zbulua gjithashtu nga “Catalina Sky Survey”.
Studiuesit theksuan se orbita aktuale e mini-Hënës sugjeron se asteroidi është kapur nga graviteti i Tokës para tre vjetësh./ /ervo/
