TIRANË, 26 janar/ATSH/ Këndi Amerikan në Tiranë organizoi këtë javë hapjen e programit për vajza “Technovation”.
Vajza nga 10 deri 18 vjeç u mblodhën në Këndin Amerikan për një seancë informuese.
“Technovation” është një program mbarëbotëror ku skuadra me vajza nga vende të ndryshme mësojnë dhe zbatojnë aftësitë për të zgjidhur probleme të botës reale nëpërmjet teknologjisë.
Vitin e kaluar, ekipi D3C0ders nga Shqipëria fitoi sfidën globale me aplikacionin e tyre në ndihmë të viktimave të dhunës me bazë gjinore.
/m.m/
