TIRANË, 17 janar/ATSH-A. Fortuzi/- Kreu i Gjykatës kundër Korrupsionit dhe Krimit të Organizuar, Sandër Simoni është konfirmuar në detyrë nga Komisioni i Pavarur i Kualifikimit, në kuadër të procesit të Vetingut.
Gjykatësi Sandër Simoni, ditën e sotme është njohur me vendimin e KPK, lidhur me procesin e Vetingut. Sipas treshes së gjyqtarëve, Brunilda Bekteshi, Roland Ilia dhe Olsi Komici, Simoni e justifikon pasurinë dhe ka rezultuar pozitiv në dy shtyllat e tjera të kontrollit, aftësisë profesionale dhe pastërtisë së figurës.
Për kryegjyqtarin Simoni procesi i Vetingut ka nisur që muajin maji të vitit 2018, që do të thotë se verifikimet kanë zgjatur 19 muaj. Simoni më parë ka drejtuar Gjykatën e Shkallës së Parë të Krimeve të Rënda. Gjyqtari u emërua në krye të Krimeve të Rënda nga KLD-ja që në maji të 2004. /a.a/
