UASHINGTON, 25 tetor /ATSH-ANSA/ – Gjiganti Amazon zbret në fushë kundër deepfake, (videot dhe audio të falsifikuara) falë inteligjencës artificiale si dhe kundër lajmeve të rreme.
Kompania e Jeff Bezos iu bashkua kompanive Facebook dhe Microsoft në projektin Deepfake Detection Challenge, si partner teknik, ashtu edhe si anëtar i komitetit ndaj këtij fenomeni.
Amazon do të ofrojë udhëzime, mbështetje teknike dhe fonde për ekspertët e makinerive, të cilat merren me kundërvënien e fenomenit të videove të falsifikuara.
Projekti DeepFake Detection u krijua në shtator nga Facebook në bashkëpunim me Microsoft dhe institucionet akademike si MIT dhe Universiteti i Oksfordit.
Partnerët e iniciativës kanë premtuar 10 milionë dollarë dhe kanë vënë në dispozicion një seri të të dhënave dhe videove për të ndihmuar njerëzit ndaj falsifikimeve në rrjet./ /os/ a.jor.
