FRANKFURT, 14 tetor /ATSH-AFP/-Sindikata e ekuipazhit të “Lufthansas” bëri sot thirrje për një grevë pesëorëshe të dielën, pasi legjitimiteti i saj për të përfaqësuar punonjësit u sfidua në gjykatë nga kompania ajrore.
“Pesë kompani të grupit, Lufthansa, Eurowings, Germanwings, Cityline dhe Sunexpress, do të preken nga grevat, gjatë javëve në vazhdim”, njoftoi gjatë një videomesazhi, presidenti i sindikatës UFO, Daniel Flohr.
Sindikata kërkon edhe një rritje prej 1,8 % të pagave.
Megjithatë, Lufthansa tha se ka ndërmend t’i përmbahet planit të fluturimeve, ditën e diel dhe i konsideron si të paligjshme thirrjet për grevë nga UFO./ /ervo/
