PRISHTINË, 7 tetor /ATSH/ Instituti Hidrometeorologjik i Kosovës njofton se gjatë pesë ditëve do të mbajë mot me vranësira të shpërndara dhe me intervale me diell.
Sipas institutit, vranësirat gjatë ditës së enjte nuk do të jenë të stabilizuara, kjo si pasojë e masave të lagështa të ajrit me presion të ulët atmosferik të cilat do të përfshijnë pjesën më të madhe të Gadishullit Ballkanik, duke krijuar kushte për mot me vranësira të dendura dhe kushte për reshje shiu.
“Temperaturat minimale gjatë kësaj periudhe të parashikimit do të luhaten ndërmjet 4-7°C, ndërsa maksimalet e ditës priten të lëvizin ndërmjet 15-22°C. Era do të fryjë nga drejtimi i verilindjes me shpejtësi 1-12 m/s”, njofton Instituti. /KosovaPress/
