BRUKSEL, 27 shtator /ATSH-DPA/- Fati i dy të kandiduarve për poste në komisionin e ardhshëm europian mbetet në duart e Parlamentit Europian, sepse kandidaturat e tyre për t’u bërë eurokomisionerë u pezulluan, nën pretendimin për konflikt interesash.
Presidentja e zgjedhur e Komisionit, Ursula von der Leyen, është në pritje të një letre, që përcakton vendimin e Parlamentit për masën e radhës për hungarezin Laszlo Trocsanyi dhe rumunen Rovana Plumb.
Sipas zëdhënësit të Parlamentit, Jaume Duch, Komiteti për Çështjet Juridike, i cili vendosi ngrirjen e dy kandidaturave, do të mblidhet përsëri të hënën, por burimet brenda Parlamentit thonë se që të dyja kandidaturat do të bllokohen përgjithmonë./ /ervo/r.e/
