ROMË, 22 shtator /ATSH-ANSA/ – Rreth 66 milionë shqyrtime janë dërguar në TripAdvisor në 2018 nga bashkësia globale e udhëtimeve.
Secila është analizuar duke përdorur teknologji të përparuar të zbulimit të mashtrimit dhe 2,7 milion shqyrtime iu nënshtruan vlerësimit të mëtejshëm njerëzor nga moderatorët e përmbajtjes, sipas rezultateve të raportit të transparencës së kompanisë së udhëtimeve online.
TripAdvisor mbështet miliona udhëtarë nëpër botë për vlerësimet e tyre të udhëtimit.
Rreth 4,7% e të gjitha vlerësimeve të paraqitura në faqe u refuzuan ose u hoqën nga teknologjia e përparuar e analizës së TripAdvisor dhe 2,1% të tyre u vlerësuan si false.
Shumica e tyre, 73%, u bllokuan para se të botoheshin.
“Kjo do të thotë se kemi parandaluar mbi një milion shqyrtime të rreme që të mos publikohen ndonjëherë në TripAdvisor”, thuhet në raport, i cili analizon një seri të dhënash të tërë vlerësimeve të dërguara në faqe nga bashkësia globale e udhëtimit./ /os/ a.jor.
