TIRANË, 10 shtator /ATSH/ Prej shumë vitesh në skemën e ndihmës ekonomike, Albina sapo është punësuar në një nga kompanitë e qytetit të Fierit, në përpjekje për t’i siguruar një të ardhme më të mirë dy fëmijëve dhe familjes së saj.
Rasti u publikua nga ministrja e Shëndetësisë dhe Mbrojtjes Sociale, Ogerta Manastirliu, e cila theksoi se punësimi i qëndrueshëm është zgjidhje.
“Prej janarit të këtij viti, si Albina janë punësuar 1043 qytetarë që kanë dalë nga skema e ndihmës ekonomike, falë marrëveshjes së bashkëpunimit të Shërbimit Social Shtetëror me Shërbimin Kombëtar të Punësimit”, tha ajo. /j.p/
