TIRANË, 19 gusht /ATSH/ Vendi i mirë i Teqesë së vjetër të Ballëm Sulltanit, në Ballenjë të Martaneshit është një monument unik jo vetëm besimi e kulturor, por edhe natyror.
Presidenti i Republikës, Ilir Meta ka uruar nga aty për një javë të mbarë, në paqe dhe në harmoni, të gjithë besimtarët bektashinj, të cilët këtë javë nisin pelegrinazhin e tyre në malin e shenjtë të Tomorrit.
“Nga Vendi i Mirë i Teqesë së vjetër të Ballëm Sulltanit, në Ballenjë të Martaneshit, një monument unik, jo vetëm besimi e kulturor, por edhe natyror, ju uroj një javë të mbarë, në paqe dhe në harmoni! Urimet më mira për besimtarët bektashinj dhe të gjithë shqiptarët, të cilët këtë javë nisin pelegrinazhin e tyre në malin e shenjtë të Tomorrit!”, është shprehur mëngjesin e sotëm Presidenti Meta.
/gj.mima/j.p/
