TIRANË, 1 korrik /ATSH/- Ka përfunduar procesi i numërimit të votave në bashkinë e Himarës.
Komisioni Qendror i Zgjedhjeve, (KQZ) bën të ditur se, ka përfunduar numërimi i 38 kutive dhe kandidati i Partisë Socialiste, për këtë bashki, Jorgo Goro ka fituar duke marrë gjithsej 4209 vota.
Sipas KQZ-së, të dielën më 30 qershor, në të gjithë territorin e Shqipërisë kanë votuar në 771 863 qytetarë, ose 21,6% e zgjedhësve.
Zgjedhjet lokale u zhvilluan në 61 bashki për këshillin dhe kryetarët në mbarë vendin. Mes 97 kandidatëve për kryebashkiakë, 10 ishin zonja, ndërsa 23 prej socialistëve ishin rikandidime. e.xh/j.p/
