TIRANË, 18 qershor/ATSH/- Ambasadori i Bashkimit Europian në Tiranë, Luigi Soreca ka vizituar të martën ambientet e reja operative të Forcave Speciale “RENEA”, ndërtuar me mbështetjen e Bashkimit Europian.
Gjatë vizitës, Soreca theksoi se këto ambiente të reja do të kontribuojnë në rritjen e performancës së RENEA-s.
“Sot vizitova ambientet e reja operative të RENEA-s, Forcave Speciale të Policisë së Shtetit, ndërtuar me mbështetjen financiare të BE-së. Ambientet e reja do të kontribuojnë në rritjen e performancës së ‘RENEA-s’ në luftën e kundër krimit të organizuar”, tha Soreca. /j.p/
