TIRANË, 8 Qershor /ATSH/ – Partitë opozitare kanë nisur mbrëmjen e sotme protestën e tetë kombëtare në Tiranë.
Mbështetësit e opozitës jo parlamentare janë mbledhur në bulevardin “Dëshmorët e Kombit” për të nisur tubimin e përpara Kryeministrisë.
Policia e Shtetit ka marrë të gjitha masat për të garantuar mbarëvajtjen e kësaj proteste, duke qëndruar përreth perimetrit të godinës së Kryeministrisë.
Deputetët e Partisë Demokratike dhe Lëvizjes Socialiste për Integrim kanë dorëzuar mandatet e tyre dhe kërkesa e tyre është ngritja e një qeverie tranzitore që do të çojë vendin në zgjedhje të parakohshme.
Kjo është protesta e tetë kombëtare e PD dhe aleatëve të saj, ndërsa e gjashta që zhvillohet pasdite.
/gj.mima/ /a.g/
