TIRANË, 4 qershor /ATSH/- Ndërmarrjet nga vendet e Bashkimit Europian përfaqësojnë 64,8 % të ndërmarrjeve të huaja e të përbashkëta që operojnë në vendin tonë.
Instituti i Statistikave bën të ditur se, ndërmarrjet me pronarë apo bashkëpronarë me origjinë italiane dhe greke përfaqësojnë pjesën me të madhe të sipërmarrjeve të huaja të përbashkëta.
Grupi i ndërmarrjeve me pronarë nga Italia dhe Greqia përbëjnë 52,8% të ndërmarrjeve të huaja të përbashkëta gjithsej. Ndërkohë që shtrirja më e madhe e tyre është e përqendruar në qytetet kryesore të vendit.
Sipas INSTAT, ndërmarrjet e huaja e të përbashkëta janë përqendruar kryesisht në qarqet Tiranë dhe Durrës, me 81,7%.
Aktiviteti i bizneseve të huaja sipas sektorëve është kryesisht i angazhuar në sektorët e shërbimeve, prodhimit industrial dhe në ndërtimit. e.xh/j.p/
