TIRANË, 3 maj/ATSH- A. Fortuzi/- “Atalanta” ka fituar 3-1 ndaj “Lazios” në Romë, në kuadër të javës së 35’ të Serisë A të futbollit.
Fitorja e “Atalantas” erdhi me përmbysje. Golit të Parolos në minutën e 3’ iu përgjigjën ; Zapata në minutën e 22’, Castagna në të 58’ dhe Wallace autogol në të 76’.
Kjo fitore e “Atalantës”, kur mbeten dhe tre ndeshje nga fundit i kampionatit, ka ngjeshur dhe më shumë sfidën për dy vendet e fundit të mbetura pjesëmarrëse në Ligën e Kampionëve të sezonit të ardhshëm nga kampionati italian i futbollit (vendi i tretë dhe i katërt në klasifikim, pasi vendi parë është hipotekuar nga “Juventus”, i ndjekur në vend të dytë nga “Napoli”).
Ky rezultat ka ngjitur bergamaskët në kuotën e 62 pikëve, 1 më pak se “Inter’ i vendit të tretë” që tashmë rrezikon seriozisht pjesëmarrjen në sezonin e ardhshëm të Ligës së Kampionëve. Zikaltërit e vendit të tretë ndodhen vetëm 5 pikë larg “Romës”, së vendit të pestë, që nëse fiton sot në “Xhenova” shkurton diferencën në vetëm dy pikë, teksa “Torino” është në kuotën e 57 pikëve dhe “Milan” në vendin e 7 me 56 pikë, me një ndeshje më pak.
Klasifikimi:
- Juventus 89 pikë
- Napoli 70 pikë
- Inter 63 pikë
- Atalanta 62 pikë
- Roma 58 pikë
- Torino 57 pikë
- Milan 56 pikë
“Milan” dhe “Roma” janë me nga një ndeshje mangët. “Roma” luan të dielën ndaj “Genovas” në fushën e këtyre të fundit, teksa “Milan” luan të hënën ndaj “Bolognas” në “San Siro”.
