TIRANË, 27 mars /ATSH/ – Këshilli i Ministrave miratoi sot rregulloren “Për kushtet dhe kriteret e ushtrimit të veprimtarisë së stacionit të plazhit”.
Ministri i Turizmit dhe Mjedisit, Blendi Klosi mbi këtë vendim shprehet se, “qeveria miratoi sot projektvendimin për “Për kushtet dhe kriteret e ushtrimit të veprimtarisë së stacionit të plazhit”. Ashpërsojmë detyrimet ligjore në kontratat me privatët për plazhet me qira”.
“Rregulla të reja për një sezon turistik veror të mirëmenaxhuar dhe të sigurtë për pushuesit vendas dhe turistët e huaj. Shqipëria, gati për të pritur shumë më shumë turistë se viti paraardhës”, shprehet Klosi.
Miratimi i këtij projektvendimi do të rrisë në një nivel tjetër sigurinë në plazhe. Bregdeti ynë tashmë ka kulla vrojtimi që nga Velipoja deri në Sarandë, ku 250 vrojtues plazhi janë të licencuar nëpërmjet arsimit profesional, për të mbrojtur jetën e qytetarëve.
/a.a/
