TIRANË, 20 mars /ATSH/ – Elseid Hysaj këtë sezon nuk ka qenë në planet e trajnerit të “Napolit”, Carlo Ancelotti.
Për këtë, sipas të përditshmes italiane “TuttoSport”, drejtuesit e “Napolit” po planifikojnë shitjen e shkodranit gjatë merkatos së verës dhe do të jenë të kënaqur nëse nga kartoni i tij do të përftojnë 35 milionë euro.
Klauzola e largimit të Hysajt është 50 milionë euro, por me situatën e re të krijuar që pas mbërritjes së Ancelotti, “Napoli” duhet ta ulë çmimin.
Nëse Murizio Sarri do të qëndrojë te “Chelsea”, atëherë mund të rikthehet interesi i bluve të Londrës për Hysajn. Vetë lojtari e dëshironte këtë lëvizje, por për arsye të ndryshme nuk u realizua.
Kuptohet qartë që në verë do të flitet shumë për të ardhmen e lojtarit kuqezi, që nëse do të largohet nga “Napoli” do të shënojë një rekord sa i përket shumës së paguar për një lojtar kuqezi.
/gj.m/j.p/
