TIRANË, 18 shkurt ATSH/ – Shkolla e dytë dimërore e Universitetit të Tiranës me temë “Eksperienca Austro-Shqiptare mbi kulturën e kujtesës dhe historinë bashkëkohore”, nisi sot në Fakultetin e Historisë dhe Filologjisë dhe do të zhvillohet deri më datë 22 shkurt.
Në ceremoninë e hapjes mbajti një fjalë të shkurtër edhe ambasadori austriak, dr. Johann Sattler.
Akademikë të ndryshëm austriakë dhe shqiptarë janë të ftuar të japin leksione drejtuar studentëve që duan të zgjerojnë njohuritë mbi këtë fushë. Gjatë ditëve të shkollës do të trajtohen tematika të tilla, si Holokausti, Dhuna dhe Autoritarizmi në Austri dhe Shqipëri përgjatë shek XX.
/gj.mima/j.p/
