TIRANË, 16 shkurt/ATSH/-Zv/ministri i Brendshëm, Julian Hodaj reagoi ndaj akuzave të opozitës se ishte Policia e Shtetit që ushtroi dhunë ndaj qytetarëve duke e cilësuar një taktikë politike.
Hodaj tha se gjithçka u transmetua live dhe mohoi çdo akuzë drejtuar Policisë së Shtetit dhe Gardës së Republikës.
“Dhunë nga Policia e Shtetit”…….? Unë e kuptoj lëvizjen finoke të përfaqësuesve të opozitës, sepse duke qenë organizatore të protestës kanë edhe përgjegjësinë për mbarëvajtjen e saj, por nuk mund ti hidhet hi syve gjithë shqiptarëve që e panë live kush ushtroi dhune dhe kush respektoi dhe garantoi të drejtat e të gjithëve. Vlerësim maksimal për punën profesionale të Policisë së Shtetit dhe Gardës së Republikës”, -tha Hodaj. /a.g/
