TIRANË, 15 janar /ATSH/- Agjencia për Zhvillimin Bujqësor dhe Rural (AZHBR) publikoi sot një videon informuese për mënyrën si aplikohet në Programin IPARD II.
“Procedura e aplikimit, masat, formularët, si dhe dokumentacioni mbështetës. Aplikimet mbyllen në datën 30 janar 2019. Nxitoni të përfitoni nga ky Program!”, citon njoftimi i AZHBR-së, ku ndër të tjera publikon edhe udhëzuesin për aplikantët, në lidhje me objektivat, masat dhe shpenzimet e pranueshme.
AZHBR publikon formularin e aplikimit dhe procedurën e plotësimit të tij, duke krijuar lehtësi dhe informim për të gjithë të interesuarit që duan të përfitojnë nga programi IPARD II që mbështet me grante investimet në bujqësi, agropërpunim dhe agroturizëm. /e.xh/j.p/
