TIRANË, 9 janar /ATSH/- Në kushtet e motit me reshje të dendura dëbore që ka pushtuar të gjithë vendin, Autoriteti Rrugor Shqiptar informoi mbrëmjen e së mërkurës, mbi situatën qarkullimit të mjeteve në akset rrugore nga veriu në jug të vendit, ndërsa ripërsëriti apelin ndaj drejtueseve të mjeteve që të respektojnë udhëzimet përkatëse.
Sipas informacionit të ARRSH-së në orën 18:50, aktualisht në aksin Qafë Thanë-Kapshticë dhe Qafë Qarri-Ersekë, qarkullimi behët me zinxhir. Tepelenë-Kakavijë kanë filluar reshjet e shiut, qarkullimi është i mundur pa zinxhir, por duhet të bëhet me kujdes.
Në Pukë-Fushë-Arëz – Qafë Mali, Hani i Hotit-Tamarë, Dedaj-Razëm, Qafë Laç-Koman, Qafë Mali- Fierzë, Kuben-Vasije qarkullimi bëhet me zinxhir.
Segmenti Fierzë-Ura e Bujanit-Qafë Morinë, i qarkullueshëm me zinxhir. Aksi Kukës-Ura e Zapodit, Kukës-Bushtricë, i qarkullueshëm me zinxhir.
Segmenti Kukës-Krumë, Krumë-Qafë Prushi, Plepa-Kam të qarkullueshëm me zinxhir.
“Rekomandojmë drejtuesit e mjeteve të vendosin zinxhir në segmentet rrugore, për të cilat ju kemi lajmëruar, të respektojnë sinjalistikën, të ulin shpejtësinë, të tregohen të kujdesshëm sidomos gjatë natës dhe në orët e para të mëngjesit dhe të ndjekin udhëzimet e Patrullës Rrugore”, shprehet ARRSH. e.xh/e.caushi/
