NJU JORK, 14 dhjetor /ATSH-ANSA/ – Në prag të Krishtlindjeve, kompania Google hap dyert e saj në favor të bamirësisë.
Shfrytëzuesit së shpejti do të jenë në gjendje të bëjnë donacionet përmes aplikacionit të kompanisë, Play Store, me garancinë që shuma e plotë do t’i shkojë marrësit.
Tetë vendet e para do të jenë Italia, SHBA, Gjermania, Spanja, Franca, Mbretëria e Bashkuar, Kanadaja dhe Meksika.
Në apikacionin Play Store ju mund t’i dhuroni organizatave të ndryshme humanitare dhe ambientaliste, nga Kryqi i Kuq tek UNICEF duke kaluar përmes WWF, Save the Children dhe Doctors Without Borders.
Përsa i përket bamirësisë, Google nuk është i pari.
Për disa vite, Apple ka përdorur aplikacionin, App Store për të mbledhur donacione, veçanërisht në rast të fatkeqësitë natyrore si uragani Harvey i vitit 2017, Kaliforni, ose përmbytjet në Kerala, Indi, në muajin gusht./ /os/ a.jor.
