TIRANË, 11 dhjetor/ATSH/ Vlera më e madhe e një qyteti janë banorët e tij, prandaj bashkia Roskovec po organizon eventin “Njeriu i Vitit 2018”, ku do të votohet për personalitetet dhe banorët e spikatur.
Ky event organizohet nën kujdesin e veçantë të kryetares së bashkisë Roskovec, Majlinda Bufi dhe është vijim i një tradite të përvitshme.
Votimi është i hapur deri më datë 21 dhjetor dhe qytetarët do të votojnë për personalitetet, të cilët kanë dhënë kontribut të veçantë në 10 fusha të ndryshme. /m.m/j.p/
