TIRANË, 26 nëntor/ATSH/ – Ministria e Arsimit, Sportit dhe Rinisë do të financojë për një periudhë 3-vjeçare rikonstruksionin e 170 shkollave, duke nisur nga viti i ardhshëm.
Referuar buxhetit të vitit të ardhshëm parashikohen rikonstruksione të shumë objekteve arsimore qofshin këto të mesme apo 9-vjeçare.
Më konkretisht, për periudhën 2019-2021, parashikohen projekte për ndërtime të reja, rikonstruksion apo shtesa në objektet aktuale për më shumë se 170 objekte arsimore të tjera, ose rreth 1500-1700 klasa, laboratorë mësimorë në arsimin parauniversitar, nga të cilat do të përfitojnë 50000-55000 nxënës dhe 3000-3500 mësues dhe edukatorë.
z.tosku/j.p/
