TIRANË, 16 nëntor/ATSH/ Me ardhjen e stinës së dimrit, bashkia e Lezhës është angazhuar për të garantuar kushtet e ngrohjes në kopshte, çerdhe e shkolla.
Agjencia e Administrimit të Pyjeve pranë bashkisë Lezhë, po vijon me pastrimin dhe trajtimin sanitar të pyjeve në territorin e bashkisë, për të garantuar përmirësimin e tyre, si dhe ngrohjen për nxënësit në shkollat në të gjitha njësitë administrative.
Vënia në funksion e kaldajave, pajisja me soba, furnizimi me lëndë drusore kanë sjellë përmirësim të dukshëm të situatës së akumuluar ndër vite.
Nga dita e hënë fillon shpërndarja e lëndës drusore në çerdhet, kopshtet dhe shkollat në të gjitha njësitë administrative.
/m.m/j.p/
