TIRANË, 2 nëntor /ATSH/ Bashkia e Shkodrës çeli sot “Buletinin Informativ Elektronik”, një tjetër urë komunikimi dhe transparence me banorët e këtij qyteti.
Bashkia e këtij qyteti bën me dije se “të gjithë ata që duan të njihen me atë çfarë ndodh në territor, nga qindra informacione që shpërndajmë gjatë një muaji për mediet dhe qytetarët në rrjete sociale, një pjesë e tyre përfshihen në këtë mënyrë të re komunikimi”.
“Buletini Informativ Elektronik” është një publikim periodik, i cili mirëpret bashkëpunimin e të gjithë të interesuarve në territorin e bashkisë së Shkodrës dhe përtej.
Bashkia bën me dije se ky është vetëm hapi i parë drejt përmirësimit të shërbimeve dhe transparencës.
m.z/e.caushi/
