TIRANË, 22 tetor/ATSH/ Bashkia Roskovec do të mbështesë me një projekt të veçantë gratë sipërmarrëse që kanë një ide mbi ngritjen e një biznesi të suksesshëm, apo që duan të zgjerojnë një biznes ekzistues.
Zhvillimi i politikave për gruan sipërmarrëse është objektiv i rëndësishëm i kësaj bashkie, sepse fuqizimi ekonomik i gruas është nevojë dhe domosdoshmëri për zhvillimin e qëndrueshëm të vendit.
Bashkia e Roskovecit fton të gjitha gratë sipërmarrëse, por edhe ato gra të cilat kanë dëshirë të hapin një biznes, por nuk kanë mundësi financiare, të bëhen pjesë e kësaj iniciative të ndërmarrë për herë të parë.
Afati i dorëzimit të aplikimeve është data 16 nëntor 2018. /m.m/r.e/
