ATHINË, 18 tetor /ATSH-ANA/ – Departamenti amerikan i Shtetit falenderoi ish-ministrin e Jashtëm grek, Nikos Kotzias për kontributin e tij për forcimin e marrëdhënieve greko-amerikane si edhe për nënshkrimin e Marrëveshjes së Prespës.
”Falenderojmë ministrin grek për shërbimin e përkushtuar dhe SHBA do të vazhdojë ta mbështesë zbatimin e Marrëveshjes së Prespës”, deklaroi një zyrtar i lartë amerikan, në një përgjigje për agjencinë gjysmëzyrtare greke të lajmeve, ANA.
“SHBA do të vazhdojë ta mbështesë zbatimin e Marrëveshjes së Prespës, që do t’i lejojë Maqedonisë të marrë vendin që i takon në NATO dhe në BE si ‘Maqedonia e Veriut”, tha zyrtari i DASH.
“SHBA u kërkon liderëve të dalin mbi politikat partizane dhe të kapin momentin historik për të siguruar një të ardhme të ndritur për vendin”, theksoi ai./ a.jor.
