TIRANË, 8 Tetor /ATSH/ – “Unë kam një ëndërr’ është një seminar me shkrimtaren gjermane Sandra Hoffmann që do të mbahet në Tiranë në kuadër të Tetorit gjerman.
Sandra Hoffmann është një shkrimtare e lirë dhe jep mësim lëndën “shkrim krijues”. Për romanin e saj të fundit “Çfarë do t‘i mungojë atij kur të vdesë” (2012) ajo mori çmimin Thaddäus-Troll. Në vitin 2018 ajo u nderua me çmimin Hans-Fallada të qytetit të Neumünster-it. Romani i saj “Paula” është duke u përkthyer në shqip dhe do të botohet në tetor 2018.
Goethe-Zentrum, Ambasada Gjermane dhe shoqata kulturore Poeteka kanë ftuar Sandra Hoffmann në Tiranë për të mbajtur lexime letrare dhe workshope.
Seminaret e Sandra Hoffman mund të ndiqen:
9.10.2018, ora 09:00 – 12:00, Libraria Tirana Times
16.10.2018, ora 09:00 – 12:00, Libraria Tirana Times
23.10.2018, ora 09:00 – 12:00, Libraria Tirana Times
25.10.2018, ora 18:00, Libraria Tirana Times
/gj.mima/j.p/
