TIRANË, 4 tetor/ATSH/ – Infrastruktura e rrjetit të ujit të pijshëm në Tiranë është duke u përmirësuar çdo ditë.
Pas një sërë investimesh në kryeqytet, UKT ka zgjidhur problemin e ujit të pijshëm për banorët e Shkozës, duke garantuar cilësi dhe sasi për banorët e kësaj zone.
Pas sinjalizimit nga banorët e zonës, ekipet e UKT janë angazhuar në terren për zgjidhjen e problemit, që u arrit në një kohë mjaft të shpejtë.
Specialistët e UKT bashkë me mjetet e tyre realizuan 9 ndërhyrje në pika ku dyshohej se mund të ndikonin në cilësinë e ujit. Tashmë linja e furnizimit është 100% në funksion dhe banorët përfitojnë furnizim normal. Për çdo problematikë, UKT ka vendosur në dispozicion të qytetarëve edhe një numër pa pagesë: 08004488. /e.caushi/
