MADRID, 25 shtator /ATSH-AFP/ – Shtet i ri, përballje e re. Ish-kryeministri francez, Manuel Valls do të hedhë sot kandidaturën për të marrë drejtimin e bashkisë së Barcelonës, ku shpreson të përmbysë peizazhin politik. Sfidë tej mase me rrezik.
Pas javë hezitimesh, ish-socialisti pritet të njoftojë rreth orës 19:00 sipas orës lokale (17:00 GMT) vendimin e tij në Qendrën e Kulturës Bashkohore të Barcelonës, në qendrën historike të qytetit të dytë më të madh të Spanjës, pikërisht aty ku lindi 56 vite më parë.
Megjithëse ai e prezanton si diçka të pritshme, përpjekja e tij, një kandidatutë për kryetar bashkie pas një karrierë politike në një shtet tjetër do të ishte e pazakontë në këtë nivel në Europë.
Çdo qytetar i BE-së mund të kandidojë në zgjedhjet lokale në një shtet tjetër brenda Unionit që prej Traktatit të Mastrihtit./ /v.b/ a.jor.
