TIRANË, 20 shtator /ATSH – I. Vata/ – Bashkia Devoll vazhdon investimet për sistemimin e rrjetit të kanalizimeve në fshatin Pilur dhe Vërlen, si dhe shtrimin me çakull të rrugëve bujqësore.
“Agjencia e Shërbimeve, bashkia Devoll, vazhdon punët në terren në dobi të komunitetit. Jemi duke sistemuar rrjetin e kanalizimeve në fshatin Pilur dhe fshatin Vërlen”, shprehet bashkia.
Po ashtu, bashkia shton se “paralelisht, vazhdojmë me çakullimin e rrugëve bujqësore në qytet, si edhe në fshatrat Cangonj, Ziçisht, Kuç dhe Progër”. j.p/
