HAVANË, 17 shtator /ATSH-AFP/ – Presidenti kuban, Miguel Diaz-Canel deklaroi se ishte pro përfshirjes në Kushtetutën e re, aktualisht në debat, të martesës midis personave të së njëjtës gjini.
Lideri Diaz-Canel në një intervistë dhënë për televizionin latino-amerikan ‘’Telesur’’, e transmetuar dje, pohoi se ishte dakord. Ai beson se fakti i njohjes së martesës midis personave, pa kufizime, i përgjigjet problemit për të eliminuar çdo lloj forme të diskriminimit në shoqëri.
Kubanët nisën në mesin e muajit gusht diskutimet për një projektkushtetutë të re, e cila pranon gjithashtu pronën private dhe i hap rrugën legalizimit të martesës midis personave të së njëjtës gjini, një nga kërkesat kryesore të komunitetit LGBT të ishullit.
Miratimi i mundshëm i martesës homoseksuale ka ngjallur kundërshtime të forta nga kisha katolike lokale./ /v.b/ a.jor.
