https://www.facebook.com/klosiblendi/videos/2140892526235562/
TIRANË,17 gusht /ATSH/ – Të rinjtë e ”Smile Albania” në këtë sezon veror janë kudo duke mirëpritur turistët me buzëqeshjen e mirëseardhjes dhe duke shpërndarë informacionin përkatës për atraksionet turistike në Shqipëri.
Në Durrës, turistët e shumtë nga vende të ndryshme të botës kanë përshëndetur në gjuhët e tyre duke u bërë dhe ata mbështetës të të rinjve të ”Smile Albania”.
Turistë nga Gjermania, Australia, Kanadaja, Belgjika, Holanda, Italia, Spanja, Franca, shprehen: “Ne jemi Smile Albania”.
Kjo nisëm e ndërmarrë nga Ministria e Turizmit dhe e Mjedisit për të angazhuar të rinjtë në çdo cep të Shqipërisë për promovimin e turizmit është një hap i rëndësishëm pasi përveç angazhimit të rinisë shqiptare bën që dhe vetë ata të mësojnë vlerat dhe kulturën e vendit tonë duke dhënë informacionin e duhur për këdo vizitor që vjen si turist për herë të parë në Shqipëri. /a.a/ /a.g/
