PRISHTINË, 8 Qershor/ATSH/.-Zëvendëskryeministri i Kosovës, Behgjet Pacolli ka nisur vizitën zyrtare në Luksemburg, ku u takua me ministrin e Punëve të Jashtme të Luksemburgut, Jean Asselborn, me të cilin diskutoi për perspektivën europiane të Kosovës, në mënyrë të veçantë liberalizimin e vizave, të cilin Luksemburgu e përkrah.
Pacolli ka shkruar në facebook se Asselborn është një mik i vjetër i Kosovës, me të ka diskutuar për edhe për mundësitë që ka hapur Luksemburgu në Samitin e Sofjes për Kosovën dhe rajonin.
“Luksemburgu është mbështetës i madh i anëtarësimit të Kosovës e INTERPOL dhe organizata ndërkombëtare dhe i jep rëndësi të madhe zhvillimit ekonomik dhe social të Kosovës. Bisedë në frymë të njëjtë kisha gjithashtu me ministrin për Bashkëpunim, Romain Schneider, i cili premtoi përkrahjen e mëtejshme të Luksemburgut ndaj Kosovës në fushat të cilat prekin jetën e përditshme të qytetarëve tanë”, ka shkruar ai./KosovaPress/k.s/
