LUBJANË, 4 qershor /ATSH-AFP/ – Ish-kryeministri konservator slloven, Janez Jansa, një bashkëpunëtor i homologut hungarez, Viktor Orban u rendit në krye të zgjedhjeve legjislative, dje në mbrëmje në Slloveni, por pa mundur të sigurojë një maxhorancë për qeverinë, sipas rezultateve zyrtare të pjesshme.
“Ne kemi bërë hapin e parë për një Slloveni të fortë dhe të përgjegjshme në Europë”, theksoi në një postim në Twitter Jansa, 59 vjeç, i cili gjatë fushatës ka përdorur thirrjet ksenofobe të drejtuesit hungarez, ndërkohë që vendi i tij ka pritur vetëm 1 000 refugjatë apo azilkërkues.
Partia Demokrate Sllovene e Jansas, gjithnjë i pranishëm në skenën politike sllovene, që prej pavarësisë në vitin 1991 të kësaj ish-republike jugosllave, mori 25% të votave pas numërimit të më shumë se 99% të tyre.
Në rënie të ndjeshme, Partia e Qendrës Moderne (SMC, qendra e majtë) e kryeministrit në ikje, Miro Cerar mori vetëm 9,7%./ /ec/ a.jor.
