TIRANË,29 maj /ATSH/ – Pas një periudhe të errët, Lady Gaga është rikthyer. Në muajt e fundit, për shkak të një problemi shëndetësor, ylli i muzikës botërore ishte detyruar të anulonte dhjetë datat e turit të saj europian “Joanne World Tour” .
Tani artistja duket se ka kapërcyer problemet shëndetësore dhe është gati të kthehet në rrugën e duhur. Në Nju Jork ajo u fotografua në daljen e “Electric Lady Studio”, ku u përshëndet nga fansat e saj.
Vizita e saj në studio ishte sepse ajo po punon për kolonën zanore të “A Star Is Born”, një film në të cilin ajo gjithashtu do të jetë protagoniste së bashku me Bradley Cooper./a.a/ /a.g/
