TIRANË, 1 prill /ATSH/- Euro zë 53% të totalit të depozitave, duke mbetur monedha e preferuar për kursimet në vendin tonë.
Sipas të dhënave nga Banka e Shqipërisë, stoku total i depozitave në muajin shkurt 2018 shënoi nivelin 995 miliardë lekë, ose 0.65% më pak se në muajin janar 2018.
Por ndërkohë për këtë periudhë (muajin shkurt), depozitat e reja shënuan nivelin 631 milionë euro.
Depozitat e reja në muajin shkurt ishin 631 milionë euro, sipas statistikave të Bankës së Shqipërisë, që evidentojnë se, 80% e tyre u depozituan në llogari rrjedhëse.
Individët zotërojnë pjesën më të madhe të kursimeve në euro, me 80% të totalit. /e.xh//e.caushi/
