TIRANE,27 Mars /ATSH/ – Kinemaja franceze sot ka humbur një prej ikonave të saj. Bëhet fjalë për aktoren Stephane Audran bashkëshortja e regjisorit të famshëm francez Claude Shabrol.
Familja ka dhënë lajmin se Audran është ndarë nga jeta në moshën 85-vjeçare pas një sëmundje të rëndë.
Ajo do të mbahet mend si një ndër aktoret më sharmante franceze të viteve 70′ si dhe si mikja e ngushtë e stilistit të famshëm Karl Lagerfeld.
Stephane Audran lindi më 8 nëntor të vitit 1932 ,ndërsa në karrierën e saj ajo spikati në filmat ”Le charm discret de la bourgeoise ”(1972),”Babette’s Feast”(1987),”The Big Red One”(1980) dhe ”Violette Noziere”(1978).
Aktorja bëri daljen e saj të fundit në publik në vitin 2008 në filmin ”La Fille de Monaco” përkrah Fabrice Luchini dhe Louise Bourgoin./a.a/ /a.g/
