MELBURN, 25 mars /ATSH-AFP/ – Gjermani Sebastian Vettel (Ferrari) fitoi sot Çmimin e Madh të Australisë, sfida e parë për sezonin 2018, duke dalë para favoritit britanik Lewis Hamilton (Mercedes), i cili u nis i pari në pistën “Albert Park” në Melburn.
Bëhet fjalë për suksesin e 48-të në karrierën e Vettel, i cili kishte fituar edhe vitin e kaluar në Australi duke kaluar Hamiltan. Ndërsa finlandezi Kimi Raikkonen (Ferrari) doli në vend të tretë.
Vendin e katërt e zuri “Red Bull” me Daniel Ricciardo ndërsa Fernando Alonso me “MecLaren” doli në vend të pestë. Më pas vijuan Max Verstappen (Red Bull), Nico Hulkenberg (Renault), Valtteri Bottas (Mercedes), Stoffel Vandoorne (McLaren) dhe Carlos Sainz Jr (Renault)./G.S/
