BRATISLAVË, 10 mars /ATSH-ANSA/ – Mijëra persona kanë mbushur dje në mbrëmje qendrën e Bratislavës duke manifestuar kundër qeverisë së kryeministrit, Robert Fico dhe duke kërkuar hetime të pavarura për vrasjen e gazetarit Jan Kuciak dhe të dashurës së tij. Ky është manifestimi më i madh i zhvilluar ndonjëherë në kryeqytet që nga protestat antikomuniste të vitit 1989. “Ne dëshirojmë një vend të ndershëm dhe demokratik”, deklaruan organizatorët nga podiumi i vendosur në sheshin qendror. “Mjaft Fico!” apo “Jepni Dorëheqjen!”, ishin fjalët që thërriste nga turma duke mbajtur çelësat në dorë, si në vitin 1989, që simbolizonte fundin e pushtetit. Presidenti Andrej Kiska, përballë humbjes së besimit në qeveri pas vrasjes së gazetarit , ka kërkuar një riorganizim të qeverisë ose zgjedhje. Kryeministri e ka akuzuar atë për lojëra të pushtetit dhe përpjekje për të destabilizuar qeverinë.
