TIRANË, 8 Mars /ATSH/ – Diellore, vitale, energjike, simbol i dritës dhe nxehtësisë, ngjyra e verdhë është ndriçuesja e përsosur për të gjallëruar veshjet dhe për t’i kthyer dritën e munguar nga tronditja e stinës së ftohtë dhe gri. Protagonistja kryesore e pasarelave për sezonin e pranverë-verë 2018, ngjyra e verdhë e largon monotoninë dhe nxit humorin e mirë, duke u shfaqur si një rreze dielli në rroba dhe aksesorë. Dilema është si ta përshtasim ngjyrën e verdhë dhe cilat janë veshjet e modës me këtë ngjyrë për sezonin? Për një stil më ekstravagant, siç sugjeron stili i rrugës, ideale është ta veshësh atë me hije vendimtare dhe intensive, të tilla si vjollcë, blu ose jeshile smeraldi. Ndërsa, për kombinimet në jetën e përditshme në zyrë, kombinimi i të verdhës me të bardhë, të verdhës dhe të zezës do të jenë të përsosura, të aftë për të ofruar një stil femëror dhe plot sharm. Për më romantiket, protagonistet janë rrobat në stilin më shik me printe me lule, çanta, mini me një pamje retro, dekolte fluturuese dhe me të njëjtën ngjyrë që do të bëjnë të shkëlqeni në çdo hap. Për një hov të energjisë dhe vitalitetit një galeri me rroba në ngjyrë të verdhë ju kthen buzëqeshjen e munguar në këto ditë gri dhe të zymta të këtij fund dimri.
