TIRANE,8 Mars /ATSH/ – Barbie, kukulla ikonë nga Mattel, sot ka një vështrim të ri, duke u përshtatur me realitetin dhe duke festuar për gratë reale, ato që kanë dalluar në botën e artit, por edhe në atë të sportit, nga shkenca deri në kuzhinë. Nga Frida Kahlo në Sara Gama, janë heroinat e transformuara në Barbie për të festuar Ditën Ndërkombëtare të Gruas.
Barbie, po nderon 17 modele historike të grave nga e gjithë bota. Gra që vijnë nga mjedise dhe fusha të ndryshme, por që kanë shkuar më tej, duke u bërë ikona të vërteta “duke thyer kufijtë për të frymëzuar brezin e ardhshëm të vajzave”,ishin këto fjalët e Mattel.
Kompania zhvilloi një sondazh online nga kompania hulumtuese OnePoll, e cila përfshinte 8,000 nëna me vajza të moshës 0-10 vjeç. Qëllimi? Për të kuptuar më mirë se çka ka nevojë shoqëria aktuale, duke filluar nga loja. Rezultati doli se 9 nga 10 nëna janë të shqetësuar në lidhje me modelet që vajzat e tyre frymëzohen.
Nga kjo lindi ideja e Mattel për të krijuar “Gratë frymëzuese”, 17 kukulla që përfaqësojnë gratë reale dhe stimuluese.
Për secilën nga “Gratë frymëzuese” ofrohet informacion se si ka kontribuar në shoqëri.
Ja cilat janë ”gratë frymëzuese” tashmë të kthyera në Barbie:
Patty Jenkins, USA – Gruaja e parë në histori për të drejtuar një film me një buxhet që tejkalon 100 milionë dollarë.
Kampione e snowboard Chloe Kim, SHBA – Një kampione e dëborës me origjinë aziatike dhe gruaja më e re që fitoi medaljen e artë në snowboarding në Lojërat Olimpike Dimërore 2018 në moshën 17 vjeçare.
Bindi Irwin, natyraliste nga Australia – e vlerësuar me çmime, trashëgoi pasionin e babait të saj për kafshët e egra.
Nicola Adams, kampione boksi, Britani e Madhe – Fituese e dy medaljeve ari , është boksieria më e suksesshëm e të gjitha kohërave në Britani dhe është e vetmja në historinë e këtij sporti që të ka fituar katër tituj amator .
Çağla Kubat, Windsurfer, Turqi – Kampione e Windsurfer dhe anëtar e ekipit në Fenerbahçe dhe themelusja e shkollës për serfistët e rinj.
Hélène Darroze, kuzhinierja më e njohur në botë, Francë – Ka tre restorante dhe dy yje të Michelin. Një kampione e vërtetë e kuzhinës franceze.
Hui Ruoqi, kampione volejbolli, Kina – Ajo është gjithashtu kapitene e ekipit kombëtar të volejbollit të femrave në Kinë, i cili fitoi medaljen e artë në ndeshjet verore të 2016-ës.
Leyla Piedayesh, stiliste dhe sipërmarrëse, Gjermani – emigrante iraniane, e cila themeloi markën e modës lala Berlin që përfshin elemente urbane dhe elegancë në veshje të thurura me cilësi të lartë.
Lorena Ochoa, lojtare golfi, Meksikë – Atlete, nënë, sipërmarrëse dhe promotore e pathyeshme e golfit në Meksikë.
Martyna Wojciechowska, gazetare, Poloni – prezantuese televizive, redaktore reviste.
Sara Gama, futbolliste , Itali – Kapitene e Juventusit dhe ekipit kombëtar italian të futbollit, është gjithashtu anëtare e Këshillit Federal dhe kryetare e Komitetit të Zhvillimit të Futbollit të Grave.
Xiaotong Guan, aktore dhe filantropiste, Kinë – Ajo është ambasadore për “Ditën Botërore të Jetës”, një fushatë e përbashkët e Programit të Mjedisit të Kombeve të Bashkuara, Fondit Ndërkombëtar për Mirëqenien e Kafshëve dhe Mbrojtjen e Natyrës.
Yuan Tan, balerinë, Kina – balerina e parë dhe balerina kryesor në Baletin e San Franciskos gjithashtu balerinë kryesore në Baletin e Hong Kongut.
Vicky Martin Berrocal, biznesmene dhe stiliste, Spanjë – Drejton drejtimin krijues të kompanisë Victoria duke përfshirë kostume festive, veshje flamengo, çanta dhe bizhuteri./a.a//e.caushi/
