VILINIUS, 16 shkurt /ATSH-AFP/ – Me pjesëmarrjen e liderëve europianë, nisën sot festimet në Vilnius për 100- vjetorin e pavarësisë së rishpallur në fund të Luftës së Parë Botërore, në sfondin e tensioneve me fqinjin rus.
“Lituanezët kanë përshkuar një rrugëtim të gjatë përgjatë shekullit të kaluar’’, u shpreh presidenti i Komisionit Europian Jean-Claude Juncker në një deklaratë të publikuar dje.
“Falë jush, Lituania është tashmë një shtet modern dhe demokratik, në vendin e duhur në zemër të Bashkimit tonë Europian”, shtoi Juncker.
“Anëtare e NATO-s, e Bashkimit Europian dhe e eurozonës, ky shtet balltik me 2,8 milionë banorë është tashmë i lidhur ngushtë me Perëndimin, i mbrojtur dhe i respektuar si kurrë më parë’’, u shpreh entuziaste presidentja e vendit, Dalia Grybauskaite.
Ekonomia lituaneze regjistroi një rritje të qëndrueshme ekonomike me 3,9% në 2017, por mbetet e ekspozuar ndaj shqetësimeve serioze si inflacioni i lartë, pabarazitë e thella sociale dhe emigrimi masiv i lituanezëve drejt shteteve më të pasura të Europës Perëndimore./ /v.b/ a.jor.
