ROMË, 30 tetor /ATSH-ANSA/ – Snapchat po tërheq gjithnjë e më shumë krijuesit e përmbajtjeve, të cilët i kanë dhënë TikTok-ut dhe Instagram-it një shtysë.
Aplikacioni i bisedave ka deri më sot 293 milionë përdorues aktivë në ditë, nga të cilët 69 për qind janë adoleshentë dhe 4 për qind mbi 50.
Në maj Snapchat njoftoi Gifting, një veçori e re që u mundëson abonentëve të mbështesin krijuesit e tyre të preferuar të përmbajtjes përmes “Story Replies”.
Ai ka konfirmuar edhe prezantimin e risisë “Snap Star”, biseda me 16 përdorues të famshëm.
Në praktikë, kur një përdorues sheh një mesazh që i pëlqen, ai mund të blejë Snap Tokens për të dërguar një dhuratë dhe për të filluar një bisedë me “Snap Star”-in e tyre të preferuar.
Këta do të mund të fitojnë një përqindje të dhuratave të marra përmes Story Replies.
Personat e famshëm mund të menaxhojnë llojet e mesazheve që marrin, duke personalizuar filtrat, në mënyrë që të eliminojnë ato që i konsiderojnë të papërshtatshme dhe të mbajnë një bisedë të respektueshme.
Një tjetër risi është “Creator Marketplace”, i prezantuar pranverën e kaluar, të cilin krijuesit e përmbajtjeve kanë mundësinë ta integrojnë drejtpërdrejt në ekosistemin e tyre të reklamave.
Me disponueshmërinë, bizneset gjithashtu mund të lidhen me Snap Stars globalisht për të optimizuar praninë e tyre të marketingut brenda platformës.
Snapchat po prezanton, gjithashtu, një etiketë të re “sponsorised by” në dispozicion të kompanive me profile publike të verifikuara.
Të famshmit do të jenë në gjendje të etiketojnë një markë në përmbajtje të sponsorizuar dhe kjo do të shfaqet nën emrin e përdoruesit.
Njëqind për qind e të ardhurave do t’i shkojnë drejtpërdrejt krijuesit.
Në fund, Creator Hub, një hapësirë ku mund të merrni këshilla se si të hidhni hapat e parë në platformë deri te këshillat e përparuara, për t’u dalluar dhe për të marrë shpërblime./ /ervo/
