ROMË, 9 janar /ATSH-ANSA/ – Vrima e ozonit në Antarktidë, që thyeu rekordin e vitit 2020, u mbyll në fund të dhjetorit pas një sezoni të jashtëzakonshëm të kushteve natyrore të motit dhe pranisë së vazhdueshme të substancave që shkatërrojnë ozonin në atmosferë, njoftoi Organizata Botërore e Meteorologjisë (OBM).
“Vrima e ozonit u rrit me shpejtësi që nga mesi i gushtit, duke arritur një kulm prej rreth 24,8 milionë kilometra katrorë më 20 shtator dhe duke u përhapur në pjesën më të madhe të kontinentit të Antarktidës”, tha OBM.
“Ajo ishte një nga vrimat më të mëdha dhe më të thella, që nga fillimi i monitorimit 40 vjet më parë”, shtoi organizata.
Sipas OBM, kjo vrimë u shkaktua nga një vorbull polare e fortë, e qëndrueshme dhe e ftohtë, si edhe nga temperaturat shumë të ftohta në stratosferë./ /ervo/
