TIRANË, 6 janar/ATSH/ Nxënësit e arsimit parauniversitar do të rinisin mësimin pas pushimeve të festave të fundvitit, më 11 janar.
Kështu u shpreh kryetarja e Komitetit Teknik të Ekspertëve, Mira Rakacolli e cila theksoi se vendimi për rifillimin e shkollës nuk ka ndryshuar.
“Sa i përket fillimit të arsimit parauniversitar, sot për sot e kemi që shkollat do të rifillojnë në datën 11, ashtu siç është parashikuar në ditën që u mor vendimi. Nëse do të kemi ndonjë ndryshim gjatë kësaj jave, jemi në kohë për të marrë vendim më ndryshe. Sot për sot e kemi që të fillojmë më 11, ashtu siç është parashikuar në datën që u lajmërua kjo”, tha Rakacolli.
“Në Universitetet, të paktën këto dy javë do të vijojnë mësimin online”, tha kryetarja e Komitetit Teknik të Ekspertëve.
/z.tosku/a.a/r.e/
