Nis puna për restaurimin e Kishës së Shën Apostujve
Projekti i restaurimit është hartuar nga specialistët e Institutit të Monumenteve të Kulturës dhe parashikon restaurimin e çatisë ekzistuese me rrasa guri, restaurimin e elementëve konstruktivë, instalime të reja elektrike, si dhe ndërhyrje konservuese – restauruese në pikturën murale dhe ikonostasin e drurit.
Posted by Agjencia Telegrafike Shqiptare on E shtunë, 21 Korrik 2018
TIRANË,21 korrik /ATSH/ – Sezoni veror nuk ka pushim, por punë për të mirëpritur turistët në sitet e monumenteve të kulturës. Këto monumente kanë nevojë për mirëmbajtje dhe restaurime për të qenë të denja të tregojnë historinë dhe vlerën që mbartin.
Në Kishën e Shën Apostujve, Hoshtevë ka nisur puna për restaurimin e saj.
Kisha e Shën Apostujve në Hoshtevë, Zagori, është një kishë pas-bizantine e tipit bazilikal, mbuluar me një sistem harqesh, qemerësh e kësulash sferike.
Projekti i restaurimit është hartuar nga specialistët e Institutit të Monumenteve të Kulturës dhe parashikon restaurimin e çatisë ekzistuese me rrasa guri, restaurimin e elementëve konstruktivë, instalime të reja elektrike, si dhe ndërhyrje konservuese – restauruese në pikturën murale dhe ikonostasin e drurit./a.a/ j.p/
